Degemer mat war lec’hienn ar raktres Daskor ! Savet eo bet gant izili a-youl-vat ur gevredigezh. Ar pal a zo ganeomp : lakaat an darn vrasañ da anavout ha da vout lorc’h enno gant al lennegezh vrezhonek.

Emaomp war glask skridoù kuit a wirioù, hag o feurskrivañ a reomp hini hag hini diouzh an doare-skrivañ a-vremañ. Evel-se hon eus aozet dija 2239 skrid eus al lennegezh vrezhonek !

Kinnig a reomp deoc’h ar skridoù-se diouzh an aozer, diouzh ar rumm, diouzh an dodenn… Gallout a rit kaout an holl er stumm niverel, digoust, hag embannet hon eus un darn anezho e levrioù godell zoken.

Kinnig a reomp deoc’h ivez skorioù a bep seurt a-zivout al lennegezh vrezhonek (un istorig, buhez an aozerien…) hag a-zivout ar brezhoneg (skridoù divyezhek, tutorial brezhoneg…).

  • Breizh

    Eus holl vroioù ar bed, Breizh-Izel da gentañ !
    N’he deus arc’hant nag aour, met se na ra netra :
    Eno ’mañ ’r baotred vat, ar merc’hed a enor,
    Ar feiz er c’halonoù, ha tro-a-dro ar mor.

    Eus holl yezhoù ar bed, n’en deus ket a garan
    ’Vel hini Breizh-Izel, hennezh eo ar c’haerañ ;
    N’en deus hini er bed a ve ivez ken kozh,
    A-dalek ar sav-heol, betek an hanternoz.

    Eus holl blac’hed ar bed, da gentañ hini Breizh !
    Hounnezh zo un teñzor a furnezh hag a feiz ;…

  • Red an amzer

    Laissons les cœurs aigris à leurs pensers moroses
    Au souffle du printemps vont renaître les roses,
              Chaque buisson aura son nid ;
    L’amour parle à nos cœurs et ce serait folie
    De songer que la coupe au fond garde la lie,
              Que tout s’évapore ou ternit.

    Quand le ciel est serein, pense-t-on à l’orage ?
    Nous n’avons que vingt ans et nous sommes à l’âge
              Où l’on doit narguer l’avenir ;
    Puisque notre existence est incertaine et brève,
    C’est à nous de saisir…

  • Haroz (an)

    Priz kentañ kenskrivadeg Montfort l’Amaury er bloavezh 1899

                I

        Huñvreet ’meus, kaerañ huñvre !
        Dindan bolz dudius an Neñv
        Holl laboused Breizh a gane ;

        I dastumet eus a bell bro
        War gwez ur veredig distro,
        Dreilh spern-gwenn oc’h ober an dro ;

        A gement liv, a gement vent,
        War o fluenn poultrenn meur a hent1,
        O c’han koulskoude ’unanent.

Kaer zo ’teuler ennañ
Tamm ne gresk ;
Kaer zo lammet dioutañ
Tamm ne zigresk.

Ar mor

Feiz ha Breizh