VII

Genre
Théâtre
Langue
Breton
Source
Saint Brieuc, Moulerezh Sant Gwilherm, 1913
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

MADALEN, ANNAIG, JANED, KATELLIG

MADALEN
Pebezh burzhud, Annaig ! pebezh tra souezhus !

ANNAIG, he daouarn e kroaz
Na c’hwi zo mat, va Doue ! Nag eñ zo kaer ar bed ! Me ho kwel, Madalen, me ho kwel, Janed ha Katellig ! Pegen koant ’oc’h ! Gwelet a ran liv ho taoulagad, blev hir va c’hoarezed o c’holeiñ o divskoazh ! Gwelet a ran, ouzh ar voger, Jezuz war e groaz ha skeudenn ar Werc’hez. Piv eo, avat, ar vaouez vat-se he deus va fareet ?

KATELLIG
Ur rouanez vras, a gav din, dilhad paour warni.

JANED
Un itron vras gouiziek ha karantezus, he deus desket kaer an holl louzoù evit pareañ ar beorien.

MADALEN
Sellit, bugale. Setu ho mamm o tont en-dro. Emaon o vont da zistreiñ da’m zi. Marc’harid a zeu en-dro.