Steredenn ar C’hozh-Keoded

Genre
Poésie
Langue
Breton
Source
Paris, Sandoz et Fischbacher, 1880
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

  Pa sav an noz teñval 
  War ar mor o youc’hal, 
  A-raok ma strak ar groz 
  A gan an eostig-noz. 

Diwall da vag ha da rouedoù 
Ouzh hent avel gouez an Ankoù, 
Pesketaer kozh, rak eo kuzhet
Kuzhet steredenn Kozh-Keoded. 

  Me ’glev, pa sav an noz
  Pa sav eus tu Bro-Saoz, 
  Klemm ul lestr o veuziñ : 
  Pedit holl, Breizhidi. 

Diwall da vag ha da rouedoù… 

  Noz dall. Ouzh treid ar groaz 
  Sell, pa lamm ar mor bras, 
  Ur verc’h, un aelig gwenn 
  Gwenn hag he blev melen. 

Kemer da rouedoù ha da vag, 
Pesketaer laouen, ha distag : 
En oabl splann bremañ eo savet 
Steredenn goant ar C’hozh-Keoded.