Kanouenn ar miliner

Genre
Poésie
Langue
Breton
Source
Paris, J. Maisonneuve, 1898
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

E Milin-Vor oa ur vatezh, 
          tic-a-tac 
Glas he lagad ha flour he mouezh 
          Tac-a-tac-a-tac-a-tac. 

E Milin-Vor oa ur paotr-karr 
Leun e borpant ha reut e c’har. 

D’ar sadorn-bask, graet he c’hrampouezh, 
Da glask he faskig hi a eas. 

An absolvenn hag hi ’neus bet ? 
Hini ’r paotr-karr na lâran ket. 

Ken ar paotr-karr a-raok nav miz 
’Laoskas ar vatezh war he giz. 

Un deiz, lemmet e vein gantañ, 
Ar miliner ’lâre ’koulz koan : 

– N’ouzon ket, ab’oe div noz zo 
An durbinenn n’a ken en-dro ; 

Ab’oe div noz zo ur vouezh eo, 
’Klemmgan er stank miserere

Sordet eo ar vilin ha ni : 
Aotroù Person, disordit hi. – 

Ar vatezhig, ’vel m’her klevas, 
Gant an diri d’an nec’h ’pignas ; 

Ha d’en em daol eus ar c’hrignel 
Eus lec’h ’n doa taolet he bugel. 

Dre he mennozh a zo lâret 
He c’hrouadur ’neus badezet ; 

Pe dre mennozh e vamm ma n’eo, 
’Michañs a-berzh ’n Aotroù Doue : 

Rak en noz war-lerc’h ar vouezhig 
Benedictus ’kane koantik. 

Evit paotr-karr ar Vilin-Vor, 
          tic-a-tac 
Er galeoù ’mañ o koll gor. 
          tac-a-tac-a-tac.