Mein-bez : Henri Martin

Genre
Poésie
Langue
Breton
Source
Paris, J. Maisonneuve, 1898
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

Ar c’hleier e Breizh ’hirvoude, 
An heklev war-dro a lâre : 
« Piv a zo lakaet en e vez ? 

– N’oa ket ur mab a Vreizh-Izel ; 
’Vel ’deue ganeomp, da bep gouel, 
A zo du-mañ ha kañv ha gouel. » 

Ha gant ur sonig a c’hlac’har, 
Hon mammig Breizh ouzh an douar 
Oe gwelet, ’n he divrec’h klouar 

O luskellat korfig marv : 
« An hini a gare hon bro 
Biken n’e laoskin d’an Ankoù… » 

Aet an ene war gât* Doue :     [gaout] 
Pe dreist al loar, ’n ti an aelez, 
Pe ’mesk ar steredennoù eo ? 

M’ene pa vo gwenn ha koantik, 
Pelec’h ’tremeno hec’h hunig ? 
Me ’garfe war galon mammig.