III Diviz

Genre
Theatre
Language
Breton
Source
Saint Brieuc, Moulerezh Sant Gwilherm, 1909
Notice
The spelling has been modernized, but some forms (mutations, verbal particles...) has been kept.
Transcription
Sébastien Marineau
In the same work :

AN AO. GARGAM e-unan 
Pegen c’hwek ez eo da’m c’halon 
Skoazhelliñ ar beorien wirion ! 
Me o c’har holl evel breudeur 
Zo kouezhet warno ur gwalleur. 
Ouzh ar re-mañ vihan dreist holl 
Laouen ha seder ’vel an heol, 
Me ’gar ober ur selladenn 
Pa gouezh warnon ur barr anken. 
Setu kompezet va spered, 
Ha va c’halon sioul bras-meurbet ! 
Fiziañs am eus na deuio mui 
Kester ebet war-dro da’m zi… 
 
Boum ! Boum ! Trouz en delez 
 
Setu aze c’hoazh ur penn touz ! 
Goustad ! goustad ! o nag a drouz !… 
Mont a ra, ma kar taol evezh, 
Da derriñ souden an delez ! 
 
Tok ! tok ! war an nor. 
 
Deuit !…