I Diviz

Genre
Théâtre
Langue
Breton
Source
Saint Brieuc, Moulerezh Sant Gwilherm, 1909
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

AR RENER HAG AR VUGALE

AR RENER 
Ama, me ’oar, a galon vat 
E vimp degemeret timat ! 
Rak an aotroù Gargam pell zo 
Eo skoazell pep tra gaer er vro… 
Nag a beorien mezhus en noazh, 
A red ar gêr-mañ bemdez c’hoazh, 
Hag a vije tennet a boan 
Ma lavarjent ur gomz dezhañ ! 
 
O treiñ ouzh unan eus ar baotred 
 
Lavar ! Bez ’emañ ganez, Laou, 
Al lizher da lenn d’an aotroù ? 
 
LAOU 
Ya, aotroù rener ! 
 
AR RENER 
                               Mat, bremaik 
Hel lenni fraezh ha goustadik… 
 
O tistreiñ ouzh an dud 
 
Anavezet eo er c’harter 
’Vel un tad, ur madoberer ; 
Gantañ pep paour a gav bara 
Ha zoken dilhad da wiskañ 
 
Trouz en delez 
 
Met klevet a ran trouz aze, 
Erru an aotroù, ret e ve…