VII Pennad

Genre
Théâtre
Langue
Breton
Source
Brest, Moulerezh ru ar C’hastell, 1926
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

NERZHVEUR, AN DIAN’VEZ

NERZHVEUR
C’hoant ’meus da zegemer ’c’hanout evel ur breur,
Berrdroad, en ur rannañ ganit madoù va zi,
Pa ’out deut a-ratoz evit va frealziñ.

E-pad ma komz Nerzhveur, an Dian’vez a denn a-zindan e vantell ur voestig leun a boultr melen, hag a garzh anezhi e korn Nerzhveur.

AN DIAN’VEZ en ur waskañ
Ya, deut ’on a-ratoz evidout ; ha biskoazh
N’em eus tañvaet oc’h en em gaout dirak ur gwaz
Kement a blijadur evel diragout-te.
Evomp eta d’hon breudeuriezh, d’hon c’harantez.

NERZHVEUR
Evomp d’hon yec’hedoù, d’hon eurvad, d’hon buhez !

Eva ’ra Nerzhveur.

AN DIAN’VEZ en ur sellet outañ oc’h evañ
Faziañ ’rez, Nerzhveur : da’z marv ’n hini eo !

Hollvelen, krak o tistreiñ, ’glev an Dian’vez, hag a wel Nerzhveur o truilhal digomz war al leur-zi, en ur stardañ e greiz gant e zaou zorn.