Serr-noz

Genre
Poésie
Langue
Breton
Source
Gwalarn
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Précisions
n°29, 1931
Transcription
Sébastien Marineau
Dans le même ouvrage :

Azezet e oa war lez an aven*,    [avon] 
O c’hortoz an hini a gare.
Uhel e oa an heol pa zegouezhas ar glen*.    [?] 
…En-dro dezhañ e noze.

En halegoù e bleuñv ar vilzig a oa tavet ;
War gorre ar c’hegid gwenn an nadoz-aer a vorede,
hag eñ a c’hortoze
ar plac’h na zeue ket.

E bevenn ar c’hornog e taskrene ruzoni,
Skeud ar c’hegid gwenn a varve e-barzh an dour,
Lanv blod ar vorenn a bigne lizidour.
Hag eñ a welas e oa o noziñ.

Sevel a reas goustad,
Kemerout a reas en-dro gwenodenn an dorgenn,
Hag an heol o vervel a skuilhas en aven
Ur veradenn wad.