Distro ar saout

Genre
Poésie
Langue
Breton
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Précisions
Kroaz ar Vretoned, 04/02/1917
Transcription
Sébastien Marineau
Dans le même ouvrage :

Pa weler ar moged
     Astennet
’Us da diegezhioù
     Ar maezioù,
Ar saout a zegaser
     Da bep kêr.

A-dreuz ar c’harrhentoù,
     Ar poulloù,
Difonn ar bioù tezhiek
     Ha korniek,
’Koulz hag al leue bihan,
     A ehan
’Vit dourañ e stankoù
     Ar straedoù.

War-lerc’h ’vez ur plac’hig
     Yaouankik,
Pe, a-wechoù, ar vamm
     Gant he stamm.

Ha, keit-se, en oaled
     Lugernet
Gant ur geuneudenn dan
     E poaz koan.