War marv an Aotroù Lec’hvien

Genre
Poésie
Langue
Breton
Source
Rennes, Manuscrit 0990 de la Bibliothèque municipale de Rennes « Les Champs Libres »
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Précisions
Pages 174-175
Transcription
Sébastien Marineau
Dans le même ouvrage :

Heklev Kersac’h, tavit ho mouezh
          Dre ar c’hoadoù ;
Ar barzh ’klevjoc’h ken alies
          A zo marv.

Tourell Mac’ho, war ar grec’henn,
          ’Us da Borzh-Don,
Ne selaoufet mui e delenn
          Sklentin o son.

Ken prim ma tarzh al luc’hedenn,
          En oabl teñval,
Ken prim aet kuit ar sklêrijenn,
          Ha noz du-dall.

An Tremener goude bezañ,
          Siwazh ! nebed*    [nebeud ]
Kanet deomp sonioù ar flourañ,
          A zo tavet.

’Vel an alc’hweder o sevel
          War-du ’n heol splann,
A zo tizhet gant ar sparfell,
          E-kreiz ma kan !…

O avel, perak diskar gwez,
          Freuz ’leizh o bec’h,
Pa zo gwez all n’en deus oute
          Nemet koad sec’h ?

Draog, perak eo sonn ’vel an derv
          Da benn dibred,
Pan eo diskaret ’barzh an erv
          An tamouez ed ?

O marv kriz, te ’sko taolioù
          Pounner-meurbet !
Mar zo kalon pe skiantoù,
          ’Sellez kammed !

Ha, siwazh ! netra ’dalve dimp*    [deomp] 
          Klask stourm ouzhit :
Da falc’h garv ’vezo ouzhimp
          Bepred gounit !…

Doue ’felle ur barzh dezhañ,
          ’Kichen e dron ;
Dibabet en deus ar gwellañ,
          Setu enon* !!    [eno]