Pedomp an Itron Varia

Genre
Poésie
Langue
Breton
Source
Saint Brieuc, René Prud’homme, 1905
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

d’an Ao. Berthou, person Landivizio
war don Plac’hig enez Eusa

    diskan
Un arneñv spontus a dosta,
Pedomp an Itron Varia ! (div wech)

O na teñval eo an dremmwel !
Koumoul karget a zo a-bell...

A bep tu e klevomp hiriv
Youc’hadennoù dispac’h er vro !

Lavaret a ve un arme
Kaset da ober ur bale !

Ur bale evit distrujañ
Kredennoù kozh tud ar vro-mañ !

Iliz Jezuz zo gwall gaset
Gant enebourien pennfollet.

Garv-meurbet eo ar brezel
A reer hiriv d’an dud fidel.

Emaint o klask, er vugale,
Mougañ ’n doujañs evit Doue.

Harpomp holl hor skolioù kristen
O reiñ laouen hor gwenneien !

Bagig Sant Per a zo hejet
War ur mor spontus dirollet !

Kristenien, bras ’vezo ar reuz,
Ma n’enebomp hep ober neuz !

Ur steredenn er gwall amzer
A ro kalon d’ar beajer.

Mari eo steredenn ar mor,
D’ar gristenien ur gwir c’houdor !

Stouet dirak aoter Mari,
Hor c’halon baour o c’hlac’hariñ,

Pedomp an Itron Varia
Ma viro ’n arneñv da darzhañ !