Markiz Gwerann (1)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    I

– Demat ha joa ’barzh ar gêr-mañ ;
Pelec’h eo Annaig dre-mañ ?

– En he gwele ’mañ kousket dous ;
Eveshait ; na rit ket trouz !

En he gwele emañ kousket,
Eveshait n’he dihunit ket ! –

Kloareg Garlann ’dal’ ma glevas,
War-laez gant an diri ’bignas,

War-laez, ha ken skañv, a bignas,
War skaoñ he gwele ’n em lakaas.

– Sav alese, Naig Kalvez,
Ra’z aimp hon daou d’al leur nevez.

– D’al leur nevez me na’z in ket,
Rak eno zo un den displet ;

Gwashañ denjentil ’zo er bed,
Hag eñ atô ’kas va c’haouet*.    [c’haout] 

- Na pa vez kant aotroù eno,
N’az pezo droug ebet ganto ;

Na pa vez kant aotroù eno,
D’al leur nevez ni a yelo !

Ni a yelo d’al leur nevez,
Ha ni ’zañso kerkoulz hag e*. –    [i] 

He brozhig gloan he deus laket,
Ha da heul he mignon eo aet.