daskor - facebook  daskor - css

Daskor

Hetus-meurbet eo stad al labourer douar.
Bevañ a ra e peoc’h pell dimeus safarioù,
Pell dimeus follentez ha diroll ar c’hêrioù
En ur ganañ laouen, rak hirvoudiñ ne oar.

A-wechoù koulskoude e labour a zo tenn
Hag eus e dal berv ar c’hwezhenn a ziver,
Met leun eo a galon, avat, hag an dever
Gant ar spi zo bepred a-walc’h ’vit e souten.

Mistri ebet n’en deus. E frankiz zo divent
Hag aer c’hlan ar maezioù a nerzha e skevent.
Labourat a ra ’vel daou dre m’eo leun a yec’hed

Ha d’an noz, goude koan, e tiskuizh evurus,
En e di soul, e-kreiz e vugale karus,
          Dindan selloù kuñv e bried.

          Meurzh 1908