an Estrañjourien

Genre
Poésie
Langue
Breton
Source
Les sources sont particulières à chaque texte
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Précisions
Ar Vro, 06/1913
Transcription
Sébastien Marineau
Dans le même ouvrage :

Bep hañv, ar C’hallaoued, heñvel ouzh brini gouez,
War hon aodoù dinamm ha war hon lanneier
Ken peoc’hus, koulskoude, a-vandennoù a gouezh,
Dic’hlannañ ’ra o rumm betek en hon tier !

En hon touez e vevont lorc’hus, e trec’hourien,
Kalz plijadur o deus o c’hoarzhin goap ouzhomp,
Met ni, hep ober van ouzh ken vil mac’herien,
Tal uhel ha didrouz, gant hon hent a kerzhomp !

Hon yezh aour benniget na gav na trugarez,
Na truez dirazo, gouenn ar speredoù kre[ñv]
Na kennebeut gizioù enorus hon Arvor.

An traoù hudur hepken a blij d’o falloni,
Nann ! n’ez eus ket a-walc’h eus holl dour hon daou vor
’Vit gwalc’hiñ an hanter eveus o loustoni.