Meuleudi ar Werc’hez

Genre
Poetry
Language
Breton
Source
Carhaix, Vro (ar)
Notice
The spelling has been modernized, but some forms (mutations, verbal particles...) has been kept.
Further details
Juillet 1904
Transcription
Sébastien Marineau
In the same work :

Bep mintin, da c’houloù-deiz,
Bann-heol, petra ’skrivez-te
War ar roz hag al lili
Dindan ar glizh o skediñ ?
– Me a verk ne gaver ket
E-touez an holl draoù krouet
Tra gouest d’ober spermetiñ*    [dilufrañ ?] 
Gened ar Werc’hez Vari.

Pa ve ’n oabl glas ha seder
Dre an deizioù nev’-amzer,
Aezhenn, petra ’lârez-te
D’an del, o tremen er gwez ?
– Lâret ’ran d’e va sikour
Dre o huanadoù flour
Da veuliñ, da ganveuliñ
Anv ar Werc’hez Vari.

Stêrig splann ’vel ur mel’our,
Noz-deiz, hiboudus da zour,
Petra ’lârez o redek
’Mesk ar c’horz hag an haleg ?
– Me ’lâr n’eus bet em gwerenn
Skeud bokidi glas pe gwenn
Kaer a-walc’h ’vit skeudenniñ
Glanded ar Werc’hez Vari.

Eostig kuzh, e-pad an noz
Pa ve an holl o repoz,
Petra ’ganez ken lirzhin
Kludet war da vod ivin ?
– Me a gan a-greiz-kalon
Hag a lavar dre ma son
Kement ’c’houzan d’enoriñ
Douster ar Werc’hez Vari.

Stered koant, lemm ho lagad,
Strewet dre ’n neñv – a-vagad –
En ho korolloù ken gae,
Petra ’lârit-hu ivez ?
– O korolliñ hep dihan
E donderioù an oabl splann,
Ni a salud gant dudi
Galloud ar Werc’hez Vari.

O kuitaat ar vuhez-mañ,
Pa gimiadi ouzh pep tra,
Ma ene, en da dremen,
Pehini ’vo da bedenn ?
– Ma fedenn a vo neuze
Un hirvoud a garantez,
A-raok monet disoursi
Da gaout ar Werc’hez Vari !

        Sant Inan, Klegereg