Barzh ha bleunienn

Genre
Poésie
Langue
Breton
Source
Les sources sont particulières à chaque texte
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

Kalon ar barzh hag ar vleunienn
Zo heñvel an eil eus eben :
Dre ar rev, dre ar gwall avel
Ar vleunienn ’ve gweñvet kent pell ;
Ankoun* ha yender hepdale    [pe Ankoua]
A lak ar barzh mouzhet ivez,
Kalon ar barzh ha bleuniennig
A zo setu re gizidik !

Mar teu un devezh nev’-amzer
Leun a heol tomm hag a sklêrder,
C’hwi ’welo ar vleunienn timat
Askaout he gened, he c’hwezh-vad.
Pa wel ar barzh en e gichen
Mignoned o c’halon seven
Ha karantek ’vel e hini,
Prim eñ ’dro kein d’ar velkoni,
Ha war e zelenn, hep diwezh,
E skiltr gwerzioù a lavenez.
Heñvel ’int an eil diouzh eben,
Kalon ar barzh hag ar vleunienn.

    21 a viz Here [1904]