ar Barzh (3)

Rumm
Barzhoniezh
Yezh
Brezhoneg
Orin
Da bep testenn e vammenn
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

    III

Eno – ra vo didrouz-meurbet,
Ra vo en e frankiz lezet,
Disamm-tre diouzh ar sot gizioù,
Dic’hloaz ouzh flemm ar gwall deodoù !

Ra na zeuy eno d’e welet
’Met un dibabig mignoned,
Dirak pere bepred gwirion
’C’hello seveniñ e galon !

Neuze ar barzh, ha noz ha deiz,
A savo deoc’h gwerzioù nevez ;
Gant karantez eñ a gano
An holl dudioù eus e vro.

Eñ a gano evel Merzhin,
Evel Gwenc’hlan ha Taliesin,
An Tad Nobletz ha Sant Herve,
Brizeug ha Kermarker ivez.

Evel d’e eñ ’rento enor
Da zouar santel an Arvor,
D’e Vreizh karet, ar vro hep par
Er pevar c’horn eus an douar !

Eñ a veulo Breizhig-Izel
Brudet mat e tost hag e pell,
Ken start ’n he feiz hag he stummoù
’Vel he reier war an aodoù.

Eñ a ziskouezo ar Breizhad
Feal da groaz Jezuz dalc’hmat,
Hag o lâret a vouezh uhel :
« Kent dizenor, gwell eo mervel ! »

....

Drant e spered, e dal laouen
Hag e galon tre dianken,
’Vel-se ’tremenfe e zeizioù
O c’hedal eurvad en neñvoù !