Thème : l’Animal

Annaig (13) : Diwar-benn ur c’hi

Harzh ’ta, ki mat, ouzh al laeron 
Hag ar c’hanfarded difeson 
Nemet warnon-me ur wech all. 
Rak n’on na kanfard na laer fall. 

War gap e revr e toull an nor 
Ur penn euzhus, e geol digor, 
Eus treuzioù an nor na fiñve 
Na da harzhal na baoueze ; 

Hag eñ ’harzhe ’vel gant ar broc’h, 
Hag e vouezh skiltrus ’vel ur c’hloc’h : 
Hep aon, me ’lâr deoc’h, tudoù gaezh, 
N’ho pije tremenet ’n e rez*.    [evit raz] 

Arvor (l’) (23) : Tom

                                                  Le chien, c’est la vertu
          Qui ne pouvant se faire homme, s’est faite bête ;
          Et Ponto me regarde avec son œil honnête.
                              Victor Hugo

Lili ha roz gouez (36) : C’honikl (ar)

En ur gwaremm alaouret
Gant bleuñv melen al lann,
Ar c’honikl a zo ganet
Etre daou skourr balan ;
Puchet ez eo ken bravik
War ur gwele raden,
Hag e benn zo ken koantik
Gant daoulagad melen !

Her gwelet ’ran a-wechoù,
Kerkent deuet ar beure,
O redet er c’hrinennoù,
Ken seder ha ken gae !
Mat a ra lammet, c’hoari,
P’en deus, evit netra,
Ar geot tener da zebriñ,
Ar glizh evit evañ.

Lili ha roz gouez (49) : Pichon

Pichon, a lavare va zad,
A yoa glas en e yaouankiz ;
D’ar foar, kerkoulz ha d’ar marc’had,
Pa’z aen gant sac’hadoù gwinizh,
An holl a chome sebezet
En ur welet ul loen ken kaer ;
Ma n’em bije ket her c’haret,
Pichon a ve bet gwerzhet ker.
– Ma n’oa ket falvezet da’m zad
En em zizober eus Pichon,
Me ’gav en doa graet un dra vat,
Rak n’oa ket, e giz loen limon,
Loen all ebet er Finister
Evit, eveltañ, dibradañ
Hep mouzhat, en un taol kolier,
Ur c’harrad eus ar re vrasañ.

Lili ha roz gouez (57) : Marv ar c’hi

Ur vintinvezh, da foar vras Lesneven,
Ar paourkaezh Tom a dorras e chadenn.
Hogen e vestr, a-dalek ar beure,
A yeas en hent, gant ul loen, d’ar foar-se.
Dihun abred, ar c’hi Tom o gwelas
O vont er straed, etrezek an hent bras.
Teñval e benn, hag e lost war ziskenn,
En ur c’houesa[at], setu da Lesneven
Eñ da redet ; buna ez en em gavas,
Lous e vlevenn gant poultrenn an hent bras.
Pell e klaskas a-dreuz, a-gleiz, a-zehoù,
E zaoulagad beuzet gant an daeroù,
Pa deuas kerkent ur fallakr da grial ;

Poésies de François Le May : Bourvig (ar)

Stag ouzh ar groaz war ar c’halvar,
Jezuz, hor Salver, gant glac’har,
’Gleve tud kriz diouzh hen goapaat
’Pad ma skuilhfe ’vite e c’hwad ;
E ene beuzet en anken,
N’en doa konfort en e dremen
Nemet eus e vamm benniget
Hag eus e abostol karet.

Poésies de Jean-Baptiste Oliero : Vran (ar)

          Bran du-kel
              Sell ;
          Sell da sae,
          Du-pod eo.
Da galon a zo c’hoazh duoc’h
          A-zioc’h.
      D’al lousteri e vlazez,
      D’ar c’horfoù marv e kargez,
      Ne vourrez ’met a vreinentez,
               Te.
A voued lous p’en deo leun da sac’h,
Te ’gwak, a gwak « C’hoazh, c’hoazh. »
      War un dro gant ar meleneg
      Te ’vag an naer hag an touseg.
      Naer an ifern, touseg an douar,
      An eil hag egile da kar.

association Daskor Breizh
06.11.32.35.32.
36, rue Basse, 29600 Morlaix