Trubuilhoù an aotroù Gargam (17) : Arvest kentañ, XV diviz
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

AN AO. GARGAM, PAOTR AL LIZHEROÙ

PAOTR AL LIZHEROÙ
Deiz mat d’an aotroù !

GARGAM
Deiz mat, va faotr !

PAOTR AL LIZHEROÙ
Eo a zegasan deoc’h !

GARGAM
                                   Diskouez !…

Goude bezañ sellet tost

Asa, lavar din, va faotr kaezh,
N’eus ket aze pemp warn ugent ?

PAOTR AL LIZHEROÙ
Hag a zo gwir, aotroù ; ’velkent
N’hallen ket degas abretoc’h !

GARGAM
Ne c’houl’es ket, lavar kentoc’h !
Aon bras eo ac’h eus bet moarvat
N’az pije ket a galanad !

PAOTR AL LIZHEROÙ
Kredit ac’hanon…

GARGAM
                             Ya, me ’gred
Ez oa ’n deiz-mañ ganez gedet !…

O reiñ dezhañ e galanad

Na zale mui hiviziken
Da zegas lizher betek penn.

PAOTR AL LIZHEROÙ d’an dud en ur vont kuit
Pebezh paotr kintus !… Dek gwenneg
Na ro ken din, ar mec’hieg !…

Livre

Trubuilhoù an aotroù Gargam (17) : Arvest kentañ, XV diviz
association Daskor Breizh
06.11.32.35.32.
36, rue Basse,
29600 Morlaix