Mouezhioù an Abardaez-Noz (13) : Valaneg (ar)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Dreist ar gwez galloudus hag ar c’hoadoù teñval,
Me ’gar balaneier en avel o fiñval ;

Dre greiz o renkennoù balioù digoret,
Ha gwisket penn-da-benn a vleunioù alaouret ;

Pe, dar[e]vet gante an had en e glaouier,
O son, pa ’n em stokont, ’vel tammigoù kleier.

Me ’gar ar valaneg don, uhel ha ledan,
Loar splann war he gorre, teñvalijenn dindan ;

’Lec’h ma klever, e-pad an nozvezhioù klouar,
Treid noazh Kornandoned o skeiñ war an douar.

Me ’gar ar valaneg huñvreus ha distan,
’Lec’h ma tisamm an den e skuizhder hag e boan.

Eno, pell diouzh trubuilh ha nec’hamant ar bed,
E kan aezhennoù kuñv ha frealzus-meurbet.

O barzh, ma tegouezh dit bezañ skuizh o vale,
Kae ’tre er valaneg, gra ’vel ar vugale :

Astenn d’izili paour war varlenn da vamm Breizh,
Ha kan ar valaneg a gennerzho da greiz.

association Daskor Breizh
06.11.32.35.32.
36, rue Basse,
29600 Morlaix