Alan al Louarn (10) : Eizhvet pennad
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

GWENVAR, AR MANAC’H, EVEN

    Dont a reont o zri da greiz al leur-zeatr.

GWENVAR
Penaos ’mañ ’r bed, Even ?

EVEN
                                                    Breizh-Izel a zo trec’h ;
Deus an tu-se, kenderv, ’c’hallez bezañ dinec’h.

GWENVAR nec’het
Un dra bennak a zo erru gant va mibien ?

EVEN
Ya, gant unan ane’, ar paourkaezh Dirlawen,
A zo bet gwall dizhet war diwezh an argad.

GWENVAR
Daoust hag eñ ’ve marv, ur paotr ken kreñv ; ken mat ?

EVEN
Emañ o tont aze, bev hag an’ouedek c’hoazh ;
Hogen, poan en devo o vont a bell, siwazh.

GWENVAR
O wel’t Breizh dishual oa re a stad ennon ;
Eviti ’z-an da goll glanañ gwad va c’halon.

Vous êtes ici

association Daskor Breizh
06.11.32.35.32.
36, rue Basse,
29600 Morlaix