Annaig (23) : D’he ene
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Al laboused o deus achuet o c’hanaouenn, 
          Kousket ’int en neizhioù ; 
Ar pardaez a zo klouar, kaer eo mont da bourmen, 
          Ur pennad, er maezioù. 

Met pardaez ar sul-mañ n’eo ket heñvel, siwazh ! 
          Ouzh ar re warlene, 
Rak an dristidigezh a ziskenn gwashoc’h-gwazh, 
          Em c’halon, em Ene. 

O te va mignonez, p[e]hini ’[g]ouie karet 
          Evel ur bugelig, 
’Vit frealziñ da vignon, perak ne c’hallfes ket 
          Diskenn ur pennadig ? 

’Vit lavaret din peur e tilezin an douar, 
          Evit ur bed gwelloc’h ? 
Rak biken, a welan, em draonienn a c’hlac’har 
          Ne c’hallin kaout ar peoc’h. 

O ! perak eus an Neñv ne deuez ket, en noz-mañ, 
          Da derriñ va chadenn ? 
War divaskell un Ael, ganez, en ur ganañ, 
          Eürus e yafen !

Vous êtes ici

association Daskor Breizh
06.11.32.35.32.
36, rue Basse,
29600 Morlaix