Annaig (20) : Tristidigezh
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Abardaezioù ken kaer a wechall, d’ar sulioù, 
Pa’z aemp, en un huñvreal, a-dreuz ar pradoù glas, 
Er gwenodennoù sioul hag e-kreiz ar c’hoadoù, 
En ur soñjal ennoc’h va glac’har a zo bras. 

Dre druez, en em guzhit dirazon, bokedoù, 
Rak ar gwel ac’hanoc’h hepken, bremañ, va glaz, 
Lugernit ’vit an neb ne skuilh ket a zaeroù, 
Va lezit da ouelañ va mignonez, siwazh ! 

Heol skedus, en em guzh a-zindan ur goabrenn, 
Grilhed ha laboused lezit ho kanaouenn, 
P’em gweloc’h o tremen, va c’halon rannet holl. 

E-lec’h un amzer gaer, e-lec’h al levenez, 
Da’m spered, da’m c’halon leun a dristidigezh 
E plij un amzer du gant un avel diroll.

Vous êtes ici

association Daskor Breizh
06.11.32.35.32.
36, rue Basse,
29600 Morlaix