Annaig (19) : Amzer dremenet
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Amzer gaer eus va yaouankiz, 
Ne zistroi mui ’ta war da giz ? 
    Er glac’har da viken 
        Pebezh anken ! 

Gwechall, gant va muiañ-karet, 
Me ’blije din kement ar bed ! 
    Karet ’raen ar c’hoabr glas 
        Hag ar mor bras. 

Hon-daou, pa redemp er c’hoadoù, 
En ur ganañ sonioù, gwerzioù, 
    Ne soñjemp ket krediñ 
        Un disparti. 

Hogen an trubard, ar Marv, 
A-dreñv-kein gant e falc’h a sko ; 
    Ar re wellañ, siwazh ! 
        Alies a lazh. 

Skoet en deus, e-kreiz he gened, 
Hep damant, va muiañ-karet ; 
    Perak ’on-me chomet 
        Hep bezañ skoet ? 

Gwell eo ganin diskenn er bez, 
Pa n’em eus mui nep karantez, 
    Rak va Dous em gortoz 
        Er Baradoz.

Vous êtes ici

association Daskor Breizh
06.11.32.35.32.
36, rue Basse,
29600 Morlaix