Annaig (15) : War an aod
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Un nozvezh eus here war an aod ’oamp azezet, 
An noz a yoa sioul-bras hag an neñv hep koabrenn, 
An houl a yoa didrouz, al loar, e-kreiz ar stered, 
          A lintre dreist hor penn. 

He dornig gwenn em dorn, hag he zal koant ouzh va skoazh, 
E chomas ur pennad hep lavaret ur ger ; 
Evelti me ’yoa sioul, dirak ur galloud ken bras 
          Hag un ober ken kaer. 

Soñjal a raemp, mantret, pegement evit an den 
An Doue ken galloudus en deus bet madelezh, 
Da reiñ dezhañ ene, da reiñ dezhañ ul lodenn 
          Eus E c’hwerc’hted ivez. 

Soñjal a raemp, ouzhpenn, ne c’haller ket er bed-mañ 
Kaout ur galon dinamm evel ar vugale, 
Ma n’eo ket gwriziennet ar feiz en den, da gentañ, 
          Hag an doujañs e Doue. 

Evel-se ni ’zalc’has, bepred, distag hor c’halon 
Diouzh kement tech hudur a c’han eus ar youloù, 
En em garet a raemp, hep nec’hamant hag hep aon, 
          ’Vel Aelez en Neñvoù. 

Eus kement soñjezon a chom eus va yaouankiz, 
Te, nozvezh kaer ha gwerc’h, a garan ar muiañ, 
En ur soñjal ennout, e teu va c’halon em c’hreiz 
          Da dridal c’hoazh bremañ.

Vous êtes ici

Livre

Annaig (15) : War an aod
association Daskor Breizh
06.11.32.35.32.
36, rue Basse,
29600 Morlaix