Annaig (12) : Merzherez
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

He c’herent a vezo kastizet hepdale 
Da vezañ bet, siwazh ! ken kriz en he c’heñver ; 
Annaig a goll bemdez he yec’hed abaoe, 
Ha n’o devezo ket danvez-bras ar pennhêr. 

N’he deus ket disentet ; met he c’halon dener 
A zo bet ken rannet, ma ne bareo morse ; 
Biken evit arc’hant ar galon ne werzher, 
Pa vez ar garantez gwriziennet en ene. 

O ! perak hon eus bet en em welet un deiz, 
En em garet kement ? perak hon eus bet feiz 
Er blanedenn fallakr, e levenez an douar ? 

Eviti me ’c’houlenn, o va Doue ! trugarez ; 
Ro da’m muiañ-karet yec’hed ’vit chom e buhez, 
Ha gra din-me mervel, en he lec’h, er glac’har.

Vous êtes ici

association Daskor Breizh
06.11.32.35.32.
36, rue Basse,
29600 Morlaix