Annaig (11) : Egile
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Gouzout a ran bremañ perak va c’harantez, 
Ken gwirion koulskoude, n’eo ket bet selaouet ; 
En hon amzer ken fall, hep ar binvidigezh, 
Ar galon denerañ n’eo ket anavezet. 

En despet da’z klac’har, Annaig, va mignonez, 
Da gerent a ra fae war da vuiañ-karet ; 
Pa gavont ur pennhêr, gant kement a zanvez ! 
Daoust hag eus da galon ar vouezh te ’dle klevet ? 

Hep fazi, ma welan e c’halli koulskoude, 
Hep rannañ da galon, kemeret ar pried-se, 
’Vit da’z lezel e peoc’h, diouzhit me ’gimiado. 

Met penaos e c’hallin, met penaos e c’halli 
Bevañ c’hoazh er bed-mañ, war-lerc’h hon disparti ? 
Evidomp, a gredan, ’ve gwelloc’h ar marv.

Vous êtes ici

association Daskor Breizh
06.11.32.35.32.
36, rue Basse,
29600 Morlaix