Annaig (10) : Hanternoz
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Hanternoz zo sonet en hon iliz-parrez ; 
Er maezioù sioul al loar a skuilh he sklêrijenn ; 
Daoust ha sioulik ivez e kousk va mignonez ? 
Eus va frenestr me ’wel, er sklêrder, he lojenn. 

Evidon-me, siwazh ! gwasket gant an enkrez, 
Ne c’hallan ket moriñ, kement em eus terzhienn ! 
Peogwir en hor c’heñver he c’herent zo didruez, 
Evit skrivañ dezhi ma kemerfen va fluenn ? 

O ! nann, rak pa soñjan eo rannet he c’halon 
Gant hon disparti griz, e krenan, em eus aon 
Da greskiñ c’hoazh he foan, o tiskuilh va glac’har. 

En da lojenn, Annaig, kousk sioulik ’hed an noz ; 
Diskennit eus an Neñv, Aelez ar Baradoz, 
D’astenn ho tivaskell war Ael dinamm an douar.

Vous êtes ici

association Daskor Breizh
06.11.32.35.32.
36, rue Basse, 29600 Morlaix