Annaig (08) : War vor
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Gouel ar mor o lintriñ 
Dindan un heol skedus ; 
Em bag skañv e vezi, 
Annaig, ken eürus ! 
N’ez eus ket en neñvoù 
An disterañ koabrenn, 
Hep aon ’ta deomp, hon-daou, 
’Vit ma kanin laouen : 

    DISKAN 

Va bag, dalc’h un devezh 
Da ouel gwenn digor, 
Ha lusk va mignonez 
War mor an Arvor. 

Lezomp an teodoù fall 
Da gomz, hervez o giz ; 
Hor gredenn hon diwall, 
Kemeromp hor frankiz ; 
Gant ma vimp, dirak Doue, 
Direbech da viken, 
E c’hallomp bezañ gae, 
Hag e kanin laouen : 

O ! lez war da c’hened 
Da barañ va selloù, 
Ken a deuint ar stered, 
D’ar pardaez, en neñvoù, 
Gant aon n’em befe ket 
Devezh all ebet ken, 
Er bed-mañ, da’z karet, 
Ha da ganañ laouen :

Vous êtes ici

association Daskor Breizh
06.11.32.35.32.
36, rue Basse,
29600 Morlaix