Noz an Nedeleg (10) : Diviz VIII
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

An hevelep re – Marc’harid

MARC’HARID
Mat. Ar vaouez kaezh a gousk, war golo, gant he mabig. Va c’halon zo mantret a se. Met n’on ket evit gouzout pe e kouskan pe ne gouskan ket. N’eus nemet burzhudoù, en noz-mañ, en hon ti paour. E-pad ma teuen en-dro, edo an erc’h o paouez kouezhañ : bolz an neñv a lugerne gant mil ha mil steredenn, ha war c’horre an ti, traoù e oa o nijal. Krediñ a raen e welen-me daou labous bras ha kaer-kenañ, gwenn-kann o daou.

KATELLIG o sellet ouzh ar maez
O gwelet a ran, mamm ! o gwelet a ran ! Emaint o tont en ti. Setu int. Daou aelig gwenn a zeu unan dre gleiz, unan all dre zehoù.

Vous êtes ici

association Daskor Breizh
06.11.32.35.32.
36, rue Basse, 29600 Morlaix