Barzhaz Breizh : Stourm an Tregont (4)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Penn-broc’h a lavare neuze
Da Dinteniag, pa dostae :
– Dal taol ma goaf mat, Tinteniag ;
Daoust hag eo eñ ur gorzenn wak ? –

– Pezh a zo gwak, e berr amzer :
Podenn da benn, va mignon kaer ;
Meur a vran a skrapay ennañ
Ha begay bouedenn anezhañ. –

’Oa ket e gomz peurlavaret,
Un taol morzhol de’añ en deus roet,
Ken a flastras, ’vel ur melc’honenn,
E dog houarn kenkoulz hag e benn.

Ha Keranreiz, ’dal m’her gwelas,
A skrign e galon a c’hoarzhas :
– Mar chomfent holl, evel hemañ,
Gounit e rafent ar vro-mañ. –

– Pet an’e zo marv, floc’h mat ? –
– Ne welan tra gant poultr ar gwad. –
– Pet an’ zo marv, floc’hig ? –
– Setu pemp, c’hwec’h, seizh, marv-mik. –

association Daskor Breizh
06.11.32.35.32.
36, rue Basse,
29600 Morlaix