Poésies d’Yvon Crocq : Hor c’harantez
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).
* Source : Ar Vro, novembre 1911

          da’m fried

Da ofer’n ur pardon
E klevis he mouezhig,
Dous ’vel mouezh un evnig
O tibunañ e son
E sioulder ar c’hoad don.

Diwar neuze dalc’hmat
Am eus bet he c’hlasket...
Nann, n’ankounac’hin ket
Pebezh sell eeun ha mat
A gouezh diouzh he lagad.

N’ouzon ket he anv,
Hag he c’haran meurbet.
Holl verc’hed all ar bed
A gavfen divalo :
Nemeti n’am bezo.

– Hag un huñvre gwirion
Am eus bet huñvreet :
Hepdale ’vo skoulmet
Da viken div galon
Mignonez ha mignon.

    ***

Hogen ur warc’hoazh a deuio
Hag hor yaouankiz a deuzo ;

Met na c’hano ket an devezh
Ma ehano hor c’harantez.

– Un deiz ur bez a zigoro :
Unan e-barzh a ziskenno ;

Met biken nerzh yen ar marv
Hon div garantez na dorro.

– Ar bez a vo digoret c’hoazh
Evit unaniñ gwreg ha gwaz ;

Ha diouzh hor bez, hor c’harantez
A savo bev d’un eil buhez.

    Boharz

Vous êtes ici

association Daskor Breizh
06.11.32.35.32.
36, rue Basse,
29600 Morlaix