Poésies d’Yvon Crocq : Hirvoud
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).
* Ar Vro, mars 1908

Tremen ’ra an amzer vrav,
    Hag an evurusted.
War-lerc’h heol sklêr, e teu glav,
    Poan goude joaiusted.
Kement a blij er bed-mañ
    A gerzh a-bioù diouzhtu :
Ma’z eo splann an oabl bremañ,
    Fenoz e vo koumoul du !

Devezhioù hor yaouankiz
    A vez buan teuzet,
Hag e kollomp hor frankiz
    ’Vit bezañ kabestret.
Nemet un huanadenn
    Hag un hirvoud hepken
N’eo buhez ar paourkaezh den,
    D’he heul ur samm anken !

E-pad ur pennad e ris,
     Siwazh din, un huñvre !
Ur vignonez e karis,
    E karis betek re.
Ken flour hag hiboud ar stêr
    E tistone he mouezh :
He lagad leun a zouster,
He jod ruz ’vel roz gouez !....

Perak e c’hweñv ar rozenn
    Hag e tisliv he liv ?
Perak e rank ar wezenn
    Siwazh ! koll he delioù ?
O ! Perak hon daoulagad
    A rank gouelañ kement,
Dre ma kavomp kalonad
    Bep kammed war hon hent ?....

D’an nebeutañ e-lec’h chom
    Bepred disec’h ha kraz,
Ar wezenn gant an heol tomm
    A gav c’hoazh delioù glas ;
Hag ar rozenn a-nevez
    Kaer-bras a vez gwisket.
Met, siwazh ! hol levenez
    War he c’hiz na deu ket !

Poan zo hag a voustr an dud
    Krisoc’h nag ar bourrev,
Rak o dispenn e ra yud
    Gwashoc’h nag ar skrign-bev !
Poanioù zo, ha pa grogont
    E kalon an den kaezh,
Morse ken na zispegont
    Ac’hann na gousk er bez !...

Er bed-mañ va-unan-kaer
    E choman adarre.
Ar marv e-giz ul laer
    Peur e teuy e vare ?
Ankoù, da glask ac’hanon
    Dered buan da’m zi :
Rak disec’h eo va c’halon,
    Skuizh ’on oc’h hirvoudiñ !

Vous êtes ici

association Daskor Breizh
06.11.32.35.32.
57, rue Guy Le Normand,
29600 Plourin-lès-Morlaix