Poésies d’Yvon Crocq : Den dall (an)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).
* Source : Ar Vro, mars 1907

Paourkaezh den dall, truezus eo va stad !
Morse n’eo bet digor va daoulagad !...
Morse n’em eus gwelet, war an douar,
An heol o skuilh bannoù sklêr ha klouar ;
     O skediñ al loar alaouret,
     Rouanez gaer an noz ;
     Nag o vousc’hoarzhin ar stered
     E bolz ar Baradoz !

Beuzet ’vel ma’z on em zeñvalijenn,
N’ouzon ket petra eo ar sklêrijenn !...
Evidon-me n’eus na deiz na mintin,
N’eus nemet an noz dalc’hmat en-dro din.
     An noz hag an distidigezh
     A deu da’m heul atô ;
     Ha betek termen va buhez
     Me a vevo ganto !

Er bed-mañ, ’on taolet ha distaolet,
’Vel ur vag distur er mor dirollet !...
Ar goañv, an hañv a yae, a deu en-dro ;
Met me zo dall ha dall me a varvo.
     Hep en em glemm, me leun a feiz,
     Me ’c’hortozo ar marv ;
     Va daoulagad, pa deuy an deiz,
     En Neñv a zigoro !

Vous êtes ici

association Daskor Breizh
06.11.32.35.32.
36, rue Basse,
29600 Morlaix