Poésies d’Yvon Crocq : Pedit evidon !
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).
* Source : Ar Vro, octobre 1907

En ur vourc’hadennig diwar ar maez,
Didrouz oc’h huñvreal gant e anken,
E tiwaske poanioù ur c’hlañvour kaezh,
E bian oa diremed, spi ebet ken !
« Va mignoned, a lâre ar c’hlañvour,
O ! pa glevoc’h an Añjeluz o son,
An Añjeluz o son e-barzh an tour,
Va mignoned pedit holl evidon !

« Met, mignoned, un devezh pa weloc’h
Ar stêr vihan kresket dezhi he dour
Hag ar gwez hep delioù, lârit e peoc’h :
Evit mat, diboaniet eo ar c’hlañvour ;
Doue d’e zegemer er baradoz !
Va mignoned, pa glevoc’h da serr-noz,
En tour, glaz an Anaon trist o tiston,
Va mignoned, pedit holl evidon !

« Karet em eus Doue ’hed va buhez,
E servijet am eus ivez, va zud ;
Esper am eus e kemero truez
Eus ar c’hristen a varv e-kreiz e vrud !
N’am eus graet c’hoazh a boan nemet tremen
Ha va buhez a zo deut d’he zermen :
Pa ziskenno va c’horf en ur bez don,
Va mignoned, pedit holl evidon !

« Ho kuitaat a rankin holl koulskoude,
Breizh-Izel gaer ha va mamm ha va zad,
O c’hortoz ar marv trist ’on noz-deiz !
Ho karet bremañ a zo re ziwezhad !…
E kalon va c’herent, joa ebet ken
Ur wech ma vin aet kuit evit atô,
Ne rint nemet gouelañ ho mab hepken ;
Va mignoned, pedit holl evito ! »

Vous êtes ici

association Daskor Breizh
06.11.32.35.32.
36, rue Basse,
29600 Morlaix