Poésies de Georges Le Rumeur : Adsavedigezh Breizh (1)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).
* Source : Ar Vro, décembre 1905

          d’ar barzh T. Le Garrec

E-tal ur bez digor, o planedenn c’harv !
Ankouezhet gant an holl hon Breizh a hirvoude !
Ha war he jodoù kann e ruilhe an daeroù
          Muioc’h-mui bemdez !...

An Ankoù diouti a selle digalon...
Pa savas, o burzhud ! e peoc’h kuñv he maezioù
Un niver diziwezh a varzhed a galon
          Alaouret o gwerzioù !...

Ha ken brav a ganent ! ken brav ha ken lirzhin
Ma ’n em lakas timat ivez da vousc’hoarzhin
Ha da ganañ dinec’h, evurus ha seder !...

Hag ab’oe, ’us d’he fenn un avel tenerik
A c’hwezh !... Adkavet ’deus he lugern, he braster,
Hag eus he yaouankiz an ene birvidik !

association Daskor Breizh
06.11.32.35.32.
57, rue Guy Le Normand,
29600 Plourin-lès-Morlaix