Poésies de Georges Le Rumeur : D'ar Menez-Bre
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).
* Source : Ar Vro, mai 1906

          d’ar barzh Abalor

O menez kran ha sioul ! O menez dudius !
Bez alaouret Gwenc’hlan ! Tron uhel Sant Herve,
Nag ez oc’h koant ha kaer !... En o gwerzioù nevez
Holl barzhed an Arvor ho meul atav, joaius !...

Menez Bre, o menez barzhonus an Tregor,
Davedoc’h pa daolan ur sell, ur sell hepken
Pell eus va c’hreiz e nij buanik an Anken
Ha d’an Awen raktal va ene a zigor !

C’hwi zo, o Menez sakr, Parnas ar Vretoned,
Kermarker ha Luzel, Yann Ar Gwenn ha Rannou
A dorras o sec’hed da zour ho mammennoù.

Ha setu ’vit perak, marteze, ’deus kanet
Ken tener ha ken c’hwek, ken dispar ha ken reizh
E-pad o holl buhez, douar enorus Breizh !...

Livre

Poésies de Georges Le Rumeur : D'ar Menez-Bre

Poésies de Georges Le Rumeur

association Daskor Breizh
06.11.32.35.32.
36, rue Basse,
29600 Morlaix