C’habiten Bimbao (ar) (01)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Va zad-kozh a oa ganet e Sant-Tegoneg, e-lec’h e oar an holl ar brezhoneg. Ur marvailher kozh oa, Doue d’her pardono! Rak marv eo un tregont vloaz bennak a zo! Marc’harid va c’hoar goshañ, ha me, kerkent ma welemp hon tad-kozh o vont da vutunañ da doull an oaled, a leze pep c’hoari, evit mont da bediñ anezhañ da gontañ deomp un istor vrav. O ya! Kalz istorioù a oa renket en e benn, ha penaos ne vije ket a istorioù e penn ar c’hemener brudetañ a oa d’ar mare-se e kanton Sant-Tegoneg. Ouzhpenn ma ouie kalz kontadennoù, e oa unan eus ar re vrudetañ er vro da vazh-valanat. Gouzout a rae lakaat ar gaou da zont da wir evel ma kare, hag elumiñ a rae tan ar garantez e kalonoù ar merc’hed yaouank ar re sklasetañ.

Un devezh goañv, soñj am eus evel pa vije dec’h, yen oa ken a frailhe ar vein; va mamm a lavaras da Varc’haridig ha din-me chom e toull an oaled, ha nompas mont d’ar skol. Neuze an tad-kozh a dennas e yalc’h-vutun eus e c’hodell, a lakaas e gorn-pri en e veg, hag azezet e-tal an tan, a gomañsas deomp an istor-mañ.

Vous êtes ici

association Daskor Breizh
06.11.32.35.32.
36, rue Basse,
29600 Morlaix