War an daoulin (29) : Gweledigezh (1)
* Nous avons adapté le texte du breton vannetais au breton KLT.
« Visio dura nuntiata est mihi… »
             (Isai., XXI, 2)
 
Perak taviñ bepred, p’en deo ar wirionez ?…
 
Ar barzh en e gousked en deus bet un hune ;
Pignet e oa war ur menez
’En em guzhe e benn e sol kogus an neñv1.
 
Pounner e oa an oabl ; ne c’hwezhe gren2 avel :
Du ’vel ar seizh pec’hed marvel,
An noz, du-hont, en em lede war an dremmwel.
 
Na trouz na fiñvadenn ’tro d’ar barzh-baleour ;
Hernet gant an devezh-sec’hour,
Ar Bed skuizh a gouske dindan sell e Groueour…
 
’N un taol, mouezh ar gurun en neñv en deus kornet,
Ar barzh ’n e galon ’neus krenet,
Koroll diroll al luc’hed foll ’neus her gronnet,
 
Met un ael etaltañ kentizh zo diskennet…
........................................
 
Ha war ma dremm, teir gwech, an Ael en deus c’hwezhet,
Ha ’dan3 ma daoulagad euzhet
Me ’welas ar pobloù krignet gant ar Pec’hed…
 
— NOTES —
1W né
2evit kren
3KLT dindan
association Daskor Breizh
06.11.32.35.32.
57, rue Guy Le Normand,
29600 Plourin-lès-Morlaix