Nouelou ancien (an) (29) : XXVIII – Nouel quenomp, na fellomp quet
* Edition par Théodore Hersart de la Villemarqué dans Revue Celtique, XII, pp. 20 et ss., d'après l'imprimé Y 6187 de la Bibliothèque nationale de France : "an Nouelou ancien", de Dom Tanguy Guégen, Quimper, 1650

Nouel voar ton Nouel Quenomp da Roue’n velly

  351
Nouel quenomp, na fellomp quet
Pan eo deuet Doue Roue’n Proffedet
Voar an bet man da bout ganet,
Maz omp saluer, lamet a poan.

  352
Ganet eu Doue, guir Roue’n ploueaou,
Gant Rouanes an guerchesaou,
Euit lamet hon pechedaou,
Reiff deomp goulaou ha di[s]aouzan.

  353
  Mary ha Joseph a pep tu
En presep dies gant Iesu
Allas ! oz repos en nos du,
Euit natur humen, chetu.

  354
  Couezet voamp ni en drouc liam
Dre pechet Eva hac Adam,
Pa na deuzie enff hac e mam
Don ober dinam an blam man.

  355
  Pan cleuas Herot quen sot voue
Maz troas en e spi quen diffoue
Lazaff hep achap quer Map Doue
Na vize Roue dre nep moyen.

  356
  Euel an sclerder dr’en guezren,
Hep bizcoaz courrompaff goazen,
Ez ganat Doue, guir Roue an glen,
En craou un asen voar fouen pur.

  357
  Certen gant enor Pastoret
A deuez cuff vuhel de guelet ;
Ha dre an Eal quent quelennet
Dre gracc parfet an Speret glan.

  358
  Deuet eo bete Doue try Roue guyr
Dyouz Orient, gant un hent hyr,
Da meuliff Doue guyr Roue an tyr,
Ouz pep pirill en hon myr glan.

  359
  Ne gous pet cant Inocantet
Dre ambuig a voue distruget,
Oz clasq Map Mary benniguet,
Pan voa ganet voar an bet man.

  360
  Pedomp an Ytron raesonet
Dre deuotion, Bretonnet ;
Greomp da Mary supply bepret
Don miret parfet en bet man.

Vous êtes ici

association Daskor Breizh
06.11.32.35.32.
36, rue Basse, 29600 Morlaix