Nouelou ancien (an) (25) : XXIV – Quenomp Nouel dre vuheltet
* Edition par Théodore Hersart de la Villemarqué dans Revue Celtique, XII, pp. 20 et ss., d'après l'imprimé Y 6187 de la Bibliothèque nationale de France : "an Nouelou ancien", de Dom Tanguy Guégen, Quimper, 1650

Nouel voar ton Nouel quenomp ha greomp yoa

  317
Quenomp Nouel dre vuheltet,
Gant joa meurbet, a caodet plen,
Pan eo deuet Map Doue an Crouer
En seder en em ober den.

  318
An Barados dre propos net
Ez voe gygacçet* en seder  [lisez digaczet] 
Gabriel vuhel, an Eal mat,
An guir cannat ambassader.

  319
Ma comsas spes dan Guerches quer
Glan an manier hac an termen
Maz oa enn y cren disquennet
Saluer an bet, parfet ha den.

  320
Houman Guerch a glan a ganas
Map Doue hon croueas, a tra sur,
Ha net an Merch en he guerchdet
A so chomet bepret a pur.

  321
Bizcoaz ne ganat crouadur
Credit assur, quen eurus
Ha maz eo ganet, credet spes,
Gant hon Maestres, courtes Jesus.

  322
Chetu ganet, na lequet douet,
Map Doue ouz hirvout don souten ;
An Eil Person din an Dryndet
So deuet en bet, dre caret den.

  323
Pan oa bezet en bet seder
Un spacç amser, deliberet
Da meruel gant poan en lancroas,
En em offras pan guelas pret.

  324
Allas ! e hunan gant poan bras
Doue hon prenas, ne fallas quet ;
Pedomp Eff real a calon
Da reyff pardon dan Bretonet.

Vous êtes ici

Livre

Nouelou ancien (an) (25) : XXIV – Quenomp Nouel dre vuheltet

Nouelou ancien (an)

association Daskor Breizh
06.11.32.35.32.
36, rue Basse,
29600 Morlaix