Poésies de Jean-Baptiste Oliero : Gurun (ar)
* Nous avons adapté le texte du breton vannetais au breton KLT.
* Dihunamb, 1923, p. 274

                    Gurun euzhus,
                    A darzh spontus,
                    A darzh, a zidarzh,
                    Hag a darzh a-barzh
                    Er c’hogus du,
                    Gant brogon ruz,

          Lâr, gurun, hag e-men ’out-te ;
          Eus ar sav-heol ? Eus ar c’hreisteiz ?
          Eus ar c’hreisnoz ? Eus ar c’huzh-heol ?
          A gornad Doue ? A vro an diaoul* ?    [W diaul] 
                    
                    Lâr din ivez
                    Petra ’out-te,

P’en deo gwir e lakez an neñv da vrañsellat,
Ar mor bras da horos, an douar da horellat,
Al luc’hedenn da strimp, an arneñv da gornal,
Ar spalver* da chom mik, al loen gouez da vlejal,    [sparfell] 
Ha mab-den, roue ar bed, war e dreid da greniñ ;
A-beban ha piv ’out, lâr-te, gurun, lâr din ?

          – Eus e-men e t’an*,    [teuan] 
          Nemet eus an neñv !
          Petra ’on-me,
          Nemet mouezh Doue !

Livre

Poésies de Jean-Baptiste Oliero : Gurun (ar)
association Daskor Breizh
06.11.32.35.32.
36, rue Basse,
29600 Morlaix