Barzhaz Breizh : Merzhin – Merzhin barzh (8)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

– Selaouit holl ; holl selaouit,
Ma hoc’h eus divskouarn da glevet !

Selaouit holl hag e klevfet
Ar pezh a zo gourc’hemennet :

Dont da eured merc’h ar roue,
Neb a garo, a-benn eizh deiz ;

Dont d’an eured, bras ha bihan,
Kement a zo er c’hanton-mañ ;

Dont d’an eured, tudjentiled,
Kement ’zo e Breizh hed-ha-hed ;

Tudjentiled ha barnerien,
Tud a iliz ha marc’heien ;

Ha da gentañ ar Gonted-Vaour*    [-Veur] 
Ha re binvidik ha re baour ;

Ha re binvidik ha re baour,
Na vanko d’e arc’hant nag aour ;

Na vanko d’e kig na bara,
Na gwin, na dour-vel da evañ ;

Na skabelloù da azezañ,
Na paotred skañv d’o servijañ ;

Daou c’hant pemoc’h a vo la’et
Ha daou c’hant penn-kole lardet ;

Daou c’hant ounner, ha kant karv,
A gement koad a zo er vro ;

Daou c’hant ejen, kant du kant gwenn,
’Vo roet o c’hrec’hen dre rann krenn ;

Kant sae a vo, hag a c’hloan gwenn,
Hag a vo roet d’ar veleien ;

Ha karkanioù aour a vo kant,
A vo roet d’ar varc’heien goant ;

Mintilli glas ’vo leizh ur sal
Da reiñ d’ar merc’hed da vragal ;

Hag eizh kant bragez nevez c’hraet,
Da reiñ d’an dud paour da wisket ;

Ha kant soner war o zorchenn,
O son noz-deiz, war an dachenn ;

Ha Merzhin-Barzh e-kreiz al lez
O veuliñ ar briadelezh ;

C’hoari a-walc’h a vo eno ;
Kement all birviken na vo. –

Livre

Barzhaz Breizh : Merzhin – Merzhin barzh (8)

Barzhaz Breizh

association Daskor Breizh
06.11.32.35.32.
36, rue Basse,
29600 Morlaix