Barzhaz Breizh : Stourm an Tregont (5)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

A-dalek goulouig an deiz,
En em gannont betek kreisteiz ;
A-dalek kreisteiz betek noz,
En em gannont enep ar Saoz.

Ha ’n aotroù Robart* ’lavaras    [Beaumanoir] 
– Sec’hed am eus, ya, sec’hed bras ! –
Ken a droc’has outañ Ar C’hoad* :    [Du Bois] 
– Mar ’teus sec’hed, paotr, ev da wad ! –

Ha Robart, p’en deus e glevet,
Gant ar vezh tec’hiñ en deus graet,
Ha war ar Saozon emañ kou’et,
Ha pemp an’e en deus lazhet.

– Lavar din-me, lavar din-me,
Pet zo an’e c’hoazh, va floc’h-me ? –
– Aotroù, lavaret a rin deoc’h* :    [K dec’h] 
Unan, daou, tri, pevar, pemp, c’hwec’h. –

– Ar re-mañ a vo laosket bev,
Ha kant gwenneg aour a baeo,
Kant gwenneg aour-flamm, pep unan,
’Abeg da vizioù ar vro-mañ. –

association Daskor Breizh
06.11.32.35.32.
36, rue Basse,
29600 Morlaix