Barzhaz Breizh : Stourm an Tregont (3)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

– Lavar din-me, lavar din-me,
Pet zo an’e, va floc’hig-me ? –
– Pet zo an’e ’leverin deoc’h* :    [K dec’h] 
Unan, daou, tri, pevar, pemp, c’hwec’h :

Pet zo an’e ’leverin dec’h* :    [idem] 
Pet zo an’e, aotroù : pemp, c’hwec’h,
Seizh, eizh, nav, dek, unnek, daouzek,
Trizek, pevarzek ha pemzek.

Pemzek ! ha lod all c’hoazh war-lerc’h :
Unan, daou, tri, pevar, pemp, c’hwec’h,
Seizh, eizh, nav, dek, unnek, daouzek,
Trizek, pevarzek ha pemzek. –

– Mard int tregont koulz eveldomp,
A-raok ! paotred, ha bec’h warnomp !
Prim d’ho kezeg gant ar skoursal* !    [fauchard] 
Na zebrfont ken glas hor segal ! –

Ken buan a goue’e an taolioù
Ha morzholioù war annevioù ;
Ken koeñvet a rede ar gwad
Hag ar wazh goude ar barrad ;

Ha ken didammet an harnez
Eget pilhennoù ar paourkaezh ;
Ha klemm ar varc’heien er c’hloaz,
Ken rust eget mouezh ar mor bras.

association Daskor Breizh
06.11.32.35.32.
36, rue Basse,
29600 Morlaix