Barzhaz Breizh : Kloareg Rohan (5)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

P’erruas al lizher gantañ,
Oa o tonet deus an emgann,

Oa o tonet ’trezek e vro* ;    [K vrou] 
’C’hoari gaer gant an drompilhoù,

Tra ma oa o lenn al lizher,
’Teue ar baron taeroc’h-taer ;

Ha pa oa al lizher lennet,
’Tre e zaouarn ’deus her flastret,

Ha gant e zent ’deus her roget,
Ha gant treid e varc’h mac’hellet.

– Prim ! ’trezek Breizh ; primoc’h ’ta, floc’h !
Pe me ’blanto va goaf ennoc’h ! –

An aotroù er gêr pa erruas,
Tri zaol war an nor-borzh a reas,

War an nor-borzh a reas tri zaol,
Ken a lakaas da grenañ ’n holl.

Ar c’hloareg evel ma klevas,
Da zigor an nor a redas :

– Petra ’ta, kloareg milliget,
’Moa ket roet dit karg ma fried ! –

Ha plantañ e c’hoaf en e veg,
Ma teuas dre e c’hoûg ar beg.

Hag eñ d’an nec’h gant an diri,
Ha tre e-barzh kambr e hini,

Ha kent ma c’hellas lavar ger,
Gant e gleñv he zreuzas e-berr.

association Daskor Breizh
06.11.32.35.32.
36, rue Basse,
29600 Morlaix