Barzhaz Breizh : Kloareg Rohan (4)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

A-benn ur pennad goude-se,
’Teuas ar c’hloareg adarre :

– Ouzhin, itron, a sentefec’h,
Pe bremañ raktal e varvfec’h ! –

Gwell eo ganin mil gwech mervel
’Vit ober ur pec’hed marvel. –

Ar c’hloareg lik, pe he c’hlevas,
Gant ar gounnar a zridallas* :    [evit droidellas ,] 

E c’hourgleñv en deus diouinet,
Ha ganti en deus her bannet ;

Met he ael gwenn hi diwallas,
Ha gant ar voger e skoas ;

Hag an itron gaezh d’en em dec’h ;
Ha da brennañ ’n nor war he lerc’h.

Hag eñ da zastum e c’hourgleñv,
Ken diboell evel ur c’hi klañv* ;    [klaon] 

Hag eñ d’an traoñ gant an diri
Ha daou ha daou ha tri ha tri ;

Ha tre e kambr ar vagerez ;
Ar bugel enni kousket aes,

Enni e-unan ar bugel,
Ur vrec’h e-maez eus e gavell,

E vrec’hig istribilh a-grenn,
Hag e vrec’h all dindan e benn ;

Hag e galonig dizolo…
Siwazh ! mamm baour, c’hwi a ouelo !

Ha goude d’an nec’h e pignas,
Hag e du ha ruz e skrivas,

’Skrivas ken-ha-ken d’an aotroù :
« Hastit ! hastit da zont en-dro* ;    [en-dro] 

Hastit, aotroù, da zont d’ar gêr
Da lakaat reizh en ho maner ;

Lazhet ho ki, hag ho marc’h glas,
N’eo ket aze ’ra din-me wazh,

N’eo ket aze ’raio deoc’h wazh :
Lazhet ho pugelig, siwazh !

Ar wiz vras he deus hen debret
Keit ha m’oa er bal ho pried,

Er bal gant he dous miliner
A blant ur rozenn er maner. »

association Daskor Breizh
06.11.32.35.32.
36, rue Basse,
29600 Morlaix