Barzhaz Breizh : Jenovefa Rustefan (5)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

    V

Pa oan degou’et e-tal Penn-al-Lenn,
O vonet ivez d’an oferenn,

E welis kalz a dud o redek,
Hag hi en un estlamm bras-meurbet.

– Na c’hwi, gwregig kozh, din livirit*,    [T leveret]
Nag an oferenn zo achuet ? –

– An oferenn a zo deraouet,
Hogen he achuiñ n’eus gallet ;

He achuiñ n’en deus ket gallet,
Gouelañ da Jenovefa ’neus graet,

Ha tri levr bras en deus treuzet*, ’vat,    [mouillé selon LV]
Gant an daeroù eus e zaoulagad.

Ken a zeuas ar plac’h o redek,
Ha ’gouezhas da zaoulin ar beleg.

« En an’ Doue ! Yann, distroit en-dro,
C’hwi zo kiriek, kiriek da’m marv ! » –

Livre

Barzhaz Breizh : Jenovefa Rustefan (5)

Barzhaz Breizh

association Daskor Breizh
06.11.32.35.32.
36, rue Basse,
29600 Morlaix