Barzhaz Breizh : Bran (3)
* Nous avons modernisé l’orthographe selon le standard peurunvan, mais nous avons respecté les tournures d’origine (et notamment les mutations et les particules verbales).

Antronoz, dimeus e wele,
An aotroù Bran a c’houlenne :

– Gedour, gedour, din livirit,
Lestr ebet o tont na welit ? –

– Aotroù, marc’heg, na welan-me
Nemet ar mor bras hag an neñv. –

An aotroù Bran a c’houlennas
Gant ar gedour, da greisteiz c’hoazh :

– Gedour, gedour, din livirit
Lestr ebet o tont na welit ? –

– Aotroù marc’heg, na welan tra
Nemet mor evned o nijañ. –

An aotroù Bran a c’houlennas
Gant ar gedour d’ar pardaez c’hoazh.

– Gedour, gedour, din livirit
Lestr ebet o tont na welit ? –

Ar gedour-gaou, pa e glevas,
C’hoarzhin-drouk outañ a reas :

– Ul lestr a welan-me pell-pell,
Hag eñ foetet gant an avel. –

– Na pezh arouez ? livirit krenn !
Daoust eo hi du, daoust eo hi gwenn ? –

– Aotroù marc’heg, ’vel ma welan,
Du eo, m’hen toue ruz-glaou-tan ! –

Ar marc’heg kaezh, p’en deus klevet,
Na mui na ken ’neus lavaret ;

Distroiñ a reas e zremm c’hlas,
Ha gant an derzhienn a grenas.

Livre

Barzhaz Breizh : Bran (3)

Barzhaz Breizh

association Daskor Breizh
06.11.32.35.32.
36, rue Basse,
29600 Morlaix